ടോം ലാഥം 264 നോട്ടൗട്ട്
ന്യൂസിലാണ്ടിന്റെ ഒന്നാം ഇന്നിംഗ്സിനു ഒടുവില് അവസാനം. ടോം ലാഥമിന്റെ ഇരട്ട ശതകം കണ്ട മത്സരത്തില് താരം അപരാജിതനായി നിന്നപ്പോള് 157.3 ഓവറില് ന്യൂസിലാണ്ട് ഇന്നിംഗ്സ് 578 റണ്സില് അവസാനിക്കുകയായിരുന്നു. 489 പന്തില് നിന്ന് 21 ബൗണ്ടറിയും 1 സിക്സും സഹിതമാണ് ടോം ലാഥം 264 റണ്സ് നേടി പുറത്താകാതെ നിന്നത്. 296 റണ്സിന്റെ ഒന്നാം ഇന്നിംഗ്സ് ലീഡാണ് ന്യൂസിലാണ്ട് സ്വന്തമാക്കിയത്.
ലാഥത്തിനൊപ്പം ന്യൂസിലാണ്ട് നിരയില് കെയിന് വില്യംസണ്(91), റോസ് ടെയിലര്(50), ഹെന്റി നിക്കോളസ്(50), കോളിന് ഡി ഗ്രാന്ഡോം(49) എന്നിവരും തിളങ്ങി. ശ്രീലങ്കയ്ക്കായി ലഹിരു കുമര നാലും ദില്രുവന് പെരേര, ധനന്ജയ ഡി സില്വ എന്നിവര് രണ്ട് വീതം വിക്കറ്റും നേടി.