5 വിക്കറ്റുകള്‍ അകലെ ശ്രീലങ്കന്‍ ജയം

- Advertisement -

കൊളംബോയില്‍ അഞ്ച് വിക്കറ്റകലെ ശ്രീലങ്കന്‍ ജയം. 490 റണ്‍സ് വിജയ ലക്ഷ്യം തേടിയിറങ്ങിയ ദക്ഷിണാഫ്രിക്ക മൂന്നാം ദിവസം അവസാനിക്കുമ്പോള്‍ 139/5 എന്ന നിലയിലാണ്. രംഗന ഹെരാത്ത്, അകില ധനന്‍ജയ എന്നിവര്‍ രണ്ട് വീതം വിക്കറ്റ് നേടിയപ്പോള്‍ ദില്‍രുവന്‍ പെരേരയ്ക്ക് ഒരു ദക്ഷിണാഫ്രിക്കന്‍ വിക്കറ്റ് ലഭിച്ചു.

ഒന്നാം വിക്കറ്റ് വീണ ശേഷം ഇറങ്ങിയ ത്യൂണിസ് ഡി ബ്രൂയിന്‍ ആണ് ദക്ഷിണാഫ്രിക്കന്‍ ഇന്നിംഗ്സിനെ മുന്നോട്ട് നയിക്കുന്നത്. 45 റണ്‍സുമായി ക്രീസില്‍ നില്‍ക്കുന്ന താരത്തിനു കൂട്ടായി 14 റണ്‍സുമായി ടെംബ ബാവുമയും ക്രീസില്‍ നില്‍ക്കുന്നു. ഡീന്‍ എല്‍ഗാര്‍ 37 റണ്‍സ് നേടി പുറത്തായി.

351 റണ്‍സ് പിന്നിലായി നില്‍ക്കുന്ന ദക്ഷിണാഫ്രിക്കയുടെ മുന്നില്‍ തോല്‍വിയുടെ ആഘാതം കുറയ്ക്കുക എന്ന ലക്ഷ്യം മാത്രമാവുമുണ്ടാകുക.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement