ഐസിസി ലോക ടെസ്റ്റ് ചാമ്പ്യൻഷിപ്പിന്റെ രണ്ടാം പതിപ്പിന്റെ ഫൈനൽ തീയതി അന്താരാഷ്ട്ര ക്രിക്കറ്റ് കൗൺസിൽ (ഐസിസി) പ്രഖ്യാപിച്ചു. ഫൈനൽ മത്സരം ജൂൺ 7 മുതൽ 11 വരെ ഇംഗ്ലണ്ടിലെ ഓവലിൽ വെച്ച് നടക്കും, റിസർവ് ഡേ ആയി ജൂൺ 12ഉം അനുവദിക്കും. 2021-ൽ സതാംപ്ടണിൽ നടന്ന ആദ്യ ടെസ്റ്റ് ചാമ്പ്യൻഷിപ്പ് ഫൈനലിൽ ഇന്ത്യയെ പരാജയപ്പെടുത്തി ന്യൂസിലൻഡ് കിരീടം ഉയർത്തിയിരുന്നു.
നിലവിൽ 75.56 പോയിന്റുമായി ഓസ്ട്രേലിയ പോയിന്റ് ടേബിളിൽ ഒന്നാമതും 58.93 പോയിന്റുമായി ഇന്ത്യ രണ്ടാമതുമാണ്. ഓസ്‌ട്രേലിയയും ഇന്ത്യയും തമ്മിലുള്ള ബോർഡർ-ഗവാസ്‌കർ ട്രോഫി പരമ്പര വിജയിച്ചാൽ ഇന്ത്യക്ക് ഫൈനൽ ഉറപ്പിക്കാം. 53.33 ശതമാനവുമായി മൂന്നാം സ്ഥാനത്തുള്ള ശ്രീലങ്കയ്ക്കും 48.72 ശതമാനവുമായി നാലാം സ്ഥാനത്തുള്ള ദക്ഷിണാഫ്രിക്കയ്ക്കും ഇപ്പോഴുൻ ഫൈനൽ പ്രതീക്ഷ ഉണ്ട്.
