ഒക്ടോബറിൽ നടക്കുന്ന ലോകകപ്പ് 2023ന് മുമ്പായി തന്നെ പരിക്ക് മാറി തിരികെ എത്താനാകുമെന്ന് പ്രതീക്ഷിക്കുന്നതായി അറിയിച്ച് ബംഗ്ലാദേശ് താരം തമീം ഇക്ബാൽ. തന്റെ റീഹാബ് പുരോഗമിക്കുമ്പോള്‍ ലോകകപ്പിന് മുമ്പായുള്ള ന്യൂസിലാണ്ടിനെതിരെയുള്ള ഏകദിന പരമ്പരയ്ക്ക് താന്‍ ഫിറ്റായി തിരികെ എത്തുമെന്നാണ് തമീമിന്റെ പ്രതീക്ഷ.
താരം നെറ്റ് സെഷനുകള്‍ നേരത്തെ തന്നെ ആരംഭിച്ചുവെങ്കിലും സെപ്റ്റംബര്‍ ആദ്യ വാരം മാത്രമാകും മുഴുവന്‍ ട്രെയിനിംഗ് ആരംഭിക്കുക. ഇത് കഴിഞ്ഞ് രണ്ടാഴ്ചയിലാണ് ന്യൂസിലാണ്ടിനെതിരെയുള്ള ഏകദിന പരമ്പര ആരംഭിയ്ക്കുന്നത്. താന്‍ മികച്ച പുരോഗതി നേടുന്നുണ്ടെന്നും അതിനാൽ തന്നെ ലോകകപ്പിന് മുമ്പായി തന്നെ താന്‍ ഫിറ്റായി മടങ്ങിയെത്തുമെന്നാണ് പ്രതീക്ഷിക്കുന്നതെന്നും ഇക്ബാൽ സൂചിപ്പിച്ചു.
