ചഹാല്‍ അടങ്ങുന്ന തന്റെ ഫാബ് 4 സ്പിന്നര്‍മാരുടെ ലിസ്റ്റ് പങ്കുവെച്ച് തബ്രൈസ് ഷംസി

Sports Correspondent

Download the Fanport app now!
Appstore Badge
Google Play Badge 1

തബ്രൈസ് ഷംസിയുടെ ഈ കാലഘട്ടത്തെ ഏറ്റവും മികച്ച നാല് സ്പിന്നര്‍മാരുടെ ലിസ്റ്റില്‍ ഇന്ത്യയുടെ യൂസുവേന്ദ്ര ചഹാലും. ദക്ഷിണാഫ്രിക്കന്‍ താരം ഇന്‍സ്റ്റാഗ്രാമിലാണ് തന്റെ ഫാബ് 4 സ്പിന്നര്‍മാരുടെ ലിസ്റ്റ് പുറത്ത് വിട്ടത്.

ഇന്ന് അന്താരാഷ്ട്ര ക്രിക്കറ്റിലെ തനിക്ക് ഏറ്റവും മികച്ചതെന്ന് തോന്നുന്ന താരങ്ങളെയാണ് തിരഞ്ഞെടുത്തതെന്നും ഏറ്റവും പ്രയാസകരമായ കാര്യമായിരുന്നു ഈ നാല് താരങ്ങളെ തിരഞ്ഞെടുക്കുക എന്നും ഷംസി വ്യക്തമാക്കി.

അഫ്ഗാനിസ്ഥാന്റെ റഷീദ് ഖാന്‍, 41 വയസ്സായെങ്കിലും ഇപ്പോളും തികഞ്ഞ പോരാളിയെന്ന് വിശേഷിപ്പിക്കുന്ന ദക്ഷിണാഫ്രിക്കയുടെ മുന്‍ താരം ഇമ്രാന്‍ താഹിര്‍, ഇന്ത്യയുടെ യൂസുവേന്ദ്ര ചഹാല്‍, പാക്കിസ്ഥാന്റെ ഷദബ് ഖാന്‍ എന്നിവരാണ് പട്ടികയിലെ താരങ്ങള്‍.