വെടിക്കെട്ട് ബാറ്റിംഗ് പ്രകടനവുമായി സച്ചിന്‍ ബേബി, മണിപ്പൂരിനെതിരെ 186 റണ്‍സ് നേടി കേരളം

- Advertisement -

16 റണ്‍സ് നേടുന്നതിനിടെ രണ്ട് വിക്കറ്റ് നഷ്ടമായെങ്കിലും തകര്‍ച്ചയില്‍ നിന്ന് 186 റണ്‍സെന്ന വലിയ സ്കോര്‍ നേടി കേരളം. ഇന്ന് നടന്ന സയ്യദ് മുഷ്താഖ് അലി ട്രോഫിയില്‍ തങ്ങളുടെ ആദ്യ മത്സരത്തില്‍ മണിപ്പൂരിനെതിരെയായിരുന്നു കേരളത്തിന്റെ വെടിക്കെട്ട് പ്രകടനം. സച്ചിന്‍ ബേബിയുടെ തകര്‍പ്പന്‍ പ്രകടനമാണ് ടീമിനു തുണയായത്. 46 പന്തില്‍ നിന്ന് 75 റണ്‍സ് നേടി പുറത്താകാതെ നിന്ന സച്ചിനു പിന്തുണയായി മുഹമ്മദ് അസ്ഹറുദ്ദീന്‍ 26 പന്തില്‍ നിന്ന് 47 റണ്‍സ് നേടി പുറത്തായി.

വിഷ്ണു വിനോദ് 34 റണ്‍സും ഡാരില്‍ എസ് ഫെരാരിയോ 22 റണ്‍സും നേടി പുറത്തായി. രണ്ട് കേരള താരങ്ങള്‍ റണ്‍ഔട്ട് ആയപ്പോള്‍ മണിപ്പൂരിനായി ക്യാപ്റ്റന്‍ ഹോമേന്ദ്രോ രണ്ട് വിക്കറ്റ് നേടി.

Advertisement