മുൻ ഇന്ത്യൻ ക്രിക്കറ്റ് താരം സുരേഷ് റെയ്ന തിരികെ വരുന്നു. ലങ്ക പ്രീമിയർ ലീഗിൽ താരം കളിക്കും. ജൂൺ 14 ന് നടക്കുന്ന ലങ്ക പ്രീമിയർ ലീഗ് 2023 ലേലത്തിൽ ലേലം ചെയ്യപ്പെടുന്ന ലിസ്റ്റിൽ റെയ്നയും ഉണ്ട്. ശ്രീലങ്ക ക്രിക്കറ്റ് ലേലം ചെയ്യപ്പെടുന്ന അന്താരാഷ്ട്ര, ആഭ്യന്തര ക്രിക്കറ്റ് താരങ്ങളുടെ പട്ടിക ഇന്ന് പുറത്തിറക്കിയിരുന്നു.
36 കാരനായ റെയ്ന കളിക്കുന്നത് ലങ്കൻ ലീഗിൽ ഇന്ത്യൻ ആരാധകർക്കും താല്പര്യം ഉണ്ടാക്കും. 2022 സെപ്റ്റംബറിൽ റെയ്ന എല്ലാത്തരം ക്രിക്കറ്റിൽ നിന്നും വിരമിക്കൽ പ്രഖ്യാപിച്ചിരുന്നു. ഈ വർഷം മാർച്ചിൽ ലെജൻഡ്സ് ലീഗ് ക്രിക്കറ്റിലാണ് അദ്ദേഹം അവസാനമായി കളിച്ചത്.
മറ്റ് രാജ്യങ്ങളിലെ ഫ്രാഞ്ചൈസി ലീഗുകളിൽ കളിക്കാൻ, ബിസിസിഐ നിയമങ്ങൾ അനുസരിച്ച് എല്ലാ തരത്തിലുള്ള മത്സര ആഭ്യന്തര ക്രിക്കറ്റിൽ നിന്നും വിരമിക്കൽ പ്രഖ്യാപിക്കേണ്ടതുണ്ട്. അതുകൊണ്ട് ആണ് റെയ്നക്ക് ഇപ്പോൾ കളിക്കാൻ പറ്റുന്നതും.
