വിന്‍ഡീസ് ബോര്‍ഡ് പ്രസിഡന്റ്സ് ഇലവനെതിരെയുള്ള സന്നാഹ മത്സരത്തില്‍ ഇംഗ്ലണ്ടിനായി ഹാട്രിക് നേട്ടവുമായി സ്റ്റുവര്‍ട് ബ്രോഡ്. അഞ്ച് പന്തുകള്‍ക്കിടയില്‍ നാല് വിക്കറ്റ് നേടിയ ബ്രോഡ് ഇതില്‍ ഹാട്രിക്ക് നേട്ടവും ആഘോഷിച്ചു. ജനുവരി 16 തന്റെ ഭാഗ്യദിനം ആയിരിക്കുമെന്നാണ് ബ്രോഡ് പ്രതികരിച്ചത്. മൂന്ന് വര്‍ഷം മുമ്പ് ഇതേ ദിവസം താന്‍ വാണ്ടറേഴ്സില്‍ 6 വിക്കറ്റുകള്‍ നേടിയിരുന്നു.
നേരത്തെ നിശ്ചയിച്ച പ്രകാരം സന്നാഹ മത്സരത്തിന്റെ രണ്ടാം ദിവസം ഇംഗ്ലണ്ട് പൂര്‍ണ്ണായും ബൗള്‍ ചെയ്യുകയായിരുന്നു. എത്ര വിക്കറ്റുകള്‍ വീണാലും ഇംഗ്ലണ്ട് താരങ്ങള്‍ക്ക് ദിവസം മുഴുവന്‍ പന്തെറിയാമെന്നായിരുന്നു തീരുമാനം. ഇംഗ്ലണ്ടിനു ആവശ്യത്തിനു മത്സര പരിചയം ലഭിക്കുവാന്‍ വേണ്ടിയായിരുന്നു ഇത്. ഇംഗ്ലണ്ട് 19 വിക്കറ്റുകളാണ് രണ്ടാം ദിവസം നേടിയത്.
