പാക്കിസ്ഥാനെതിരെ ടെസ്റ്റ് പരമ്പര തൂത്തുവാരിയെത്തുന്ന ദക്ഷിണാഫ്രിക്ക ഏകദിനങ്ങള്‍ക്കുള്ള ടീമില്‍ രണ്ട് മാറ്റങ്ങളുമായി ദക്ഷിണാഫ്രിക്ക. ഡെയില്‍ സ്റ്റെയിനിനും ക്വിന്റണ്‍ ഡി കോക്കിനും വിശ്രമം നല്‍കിയപ്പോള്‍ പകരം ഡുവാനെ ഒളിവിയറിനെയും എയ്ഡന്‍ മാര്‍ക്രത്തെയും ടീമില്‍ ഉള്‍പ്പെടുത്തിയിട്ടുണ്ട്.
ശനിയാഴ്ച് പോര്‍ട്ട് എലിസബത്തില്‍ ആരംഭിക്കുന്ന പരമ്പരയില്‍ അഞ്ച് മത്സരങ്ങളാണുള്ളത്. രണ്ടാം ഏകദിനം ഡര്‍ബനില്‍ അരങ്ങേറും. അവസാന മൂന്ന് മത്സരങ്ങള്‍ക്കുള്ള ടീമിനെ ദക്ഷിണാഫ്രിക്ക പിന്നീട് മാത്രമേ പ്രഖ്യാപിക്കുകയുള്ളു.
ജനുവരി 10നാണ് ദക്ഷിണാഫ്രിക്ക ടീം പ്രഖ്യാപനം നടത്തിയത്. അതില്‍ രണ്ട് മാറ്റങ്ങളാണ് ഇപ്പോള്‍ വരുത്തിയത്.
സ്ക്വാഡ്: ഫാഫ് ഡു പ്ലെസി, ഹാഷിം അംല, എയ്ഡന്‍ മാര്‍ക്രം, റീസ ഹെന്‍ഡ്രിക്സ്, ഇമ്രാന്‍ താഹിര്‍, ഹെയിന്‍റിച്ച് ക്ലാസ്സെന്‍, ഡേവിഡ് മില്ലര്‍, ഡെയിന്‍ പാറ്റേര്‍സണ്‍, ആന്‍ഡിലേ ഫെഹ്ലുക്വായോ, ഡ്വെയിന്‍ പ്രിട്ടോറിയസ്, കാഗിസോ റബാഡ, തബ്രൈസ് ഷംസി, ഡുവാനെ ഒളിവിയര്‍, റാസി വാന്‍ ഡെര്‍ ഡൂസ്സെന്‍
