ഹണ്ട്രെഡ് ടൂര്‍ണ്ണമെന്റിലേക്ക് പരിശീലകനായി സ്റ്റീഫന്‍ ഫ്ലെമിംഗും എത്തുന്നു. നോട്ടിംഗാം ആസ്ഥാനമായിട്ടുള്ള ടീമിനെയാണ് ഫ്ലെമിംഗ് പരിശീലിപ്പിക്കുക. 2005 മുതല്‍ 2007 വരെ നോട്ടിംഗാമില്‍ താരമായി കളിച്ചിട്ടുള്ള ഫ്ലെമിംഗിന് ഇത് അങ്ങോട്ടുള്ള മടങ്ങി വരവ് കൂടിയാണ്. ഐപിഎലില്‍ ചെന്നൈ സൂപ്പര്‍ കിംഗ്സിന്റെ പരിശീലകനായ ഫ്ലെമിംഗിനാണ് ഏറ്റവും അധികം കിരീടങ്ങളിലേക്ക് ടീമിനെ നയിച്ച പരിശീലകനെന്ന ബഹുമതി. ഫ്ലെമിംഗ് മൂന്ന് തവണയാണ് ഐപിഎല്‍ കിരീടം സ്വന്തമാക്കിയിട്ടുള്ളത്.
ബിഗ് ബാഷില്‍ നാല് സീസണുകളില്‍ രണ്ടെണ്ണത്തിലും ഫൈനലിലേക്ക് മെല്‍ബേണ്‍ സ്റ്റാര്‍സിനെ നയിച്ച പാരമ്പര്യവും ഫ്ലെമിംഗിനുണ്ട്. മുന്‍ യോര്‍ക്ക്ഷയര്‍ താരം സാല്ലിയന്‍ ബ്രിഗ്സ് ആണ് വനിത ടീമിന്റെ പരിശീലക.
