ഇന്ത്യയെ 345 റൺസിലൊതുക്കിയ ശേഷം ന്യൂസിലാണ്ടിന് മികച്ച തുടക്കം. ശ്രേയസ്സ് അയ്യരുടെ ശതകത്തിന്റെയും രവീന്ദ്ര ജഡേജയുടെ അര്‍ദ്ധ ശതകത്തിന്റെയും ബലത്തിൽ ആണ് ഇന്ത്യ ഈ സ്കോര്‍ നേടിയത്.
അയ്യര്‍ 105 റൺസും രവീന്ദ്ര ജഡേജ 50 റൺസും നേടിയപ്പോള്‍ അശ്വിന്‍ 38 റൺസ് നേടി. ന്യൂസിലാണ്ടിനായി ടിം സൗത്തി 5 വിക്കറ്റ് നേടി. കൈല്‍ ജാമിസൺ മൂന്ന് വിക്കറ്റും നേടി.
മറുപടി ബാറ്റിംഗിനിറങ്ങിയ ന്യൂസിലാണ്ട് ചായയ്ക്കായി പിരിയുമ്പോള്‍ 72/0 എന്ന നിലയില്‍ ആണ്. വിൽ യംഗ് 46 റൺസും ടോം ലാഥം 23 റൺസും നേടിയാണ് ക്രീസിലുള്ളത്.
