ഗോളിൽ നടക്കുന്ന രണ്ടാം ടെസ്റ്റിൽ പാക്കിസ്ഥാനെതിരെ ടോസ് നേടി ബാറ്റിംഗ് തിരഞ്ഞെടുത്ത ശ്രീലങ്ക 96/2 എന്ന നിലയിൽ ആദ്യ സെഷന്‍ അവസാനിപ്പിച്ചു. ഓപ്പണര്‍ ഒഷാഡ ഫെര്‍ണാണ്ടോ അര്‍ദ്ധ ശതകം നേടി പുറത്തായപ്പോള്‍ കുശൽ മെന്‍ഡിസിനെ റണ്ണൗട്ട് രൂപത്തിൽ നഷ്ടമായപ്പോള്‍ അമ്പയര്‍മാര്‍ ലഞ്ച് വിധിക്കുകയായിരുന്നു.
92/0 എന്ന നിലയിൽ അതിശക്തമായ നിലയിൽ ആദ്യ സെഷന്‍ ശ്രീലങ്ക അവസാനിപ്പിക്കുമെന്ന സ്ഥിതിയിൽ നിന്നാണ് 4 റൺസ് നേടുന്നതിനിടെ ടീമിന് 2 വിക്കറ്റ് നഷ്ടമായത്.
ഒഷാഡ 50 റൺസും ദിമുത് കരുണാരത്നേ 28 റൺസും ആണ് നേടിയത്. കുശൽ മെന്‍ഡിസ് 3 റൺസ് നേടി പുറത്തായി.
