പോര്‍ട്ട് എലിസബത്തില്‍ ടോസ് നേടി ബാറ്റിംഗ് തിരഞ്ഞെടുത്ത് ദക്ഷിണാഫ്രിക്ക. ഡര്‍ബനില്‍ ചരിത്ര വിജയം സ്വന്തമാക്കിയ ശ്രീലങ്ക മാറ്റങ്ങളില്ലാതെയാണ് ഇറങ്ങുന്നത്. പരിശീലനത്തിനിടെ പരിക്കേറ്റ കുശല്‍ മെന്‍ഡിസ് കളിക്കില്ലെന്ന് തരത്തിലുള്ള വാര്‍ത്തകള്‍ വന്നിരുന്നുവെങ്കിലും താരവും അവസാന ഇലവനില്‍ ഇടം പിടിച്ചിട്ടുണ്ട്. ദക്ഷിണാഫ്രിക്കന്‍ നിരയില്‍ വെറോണ്‍ ഫിലാന്‍ഡറിനു പകരം ഓള്‍റൗണ്ടര്‍ വിയാന്‍ മുള്‍ഡര്‍ ടീമിലെത്തുന്നു. ടെസ്റ്റ് റാങ്കിംഗില്‍ രണ്ടാം സ്ഥാനം നിലനിര്‍ത്തുവാന്‍ ദക്ഷിണാഫ്രിക്കയ്ക്ക് വിജയം അനിവാര്യമാണ്.
ദക്ഷിണാഫ്രിക്ക: ഡീന്‍ എല്‍ഗാര്‍, എയ്ഡന്‍ മാര്‍ക്രം, ഹാഷിം അംല, ഫാഫ് ഡു പ്ലെസി, ടെംബ ബാവുമ, ക്വിന്റണ്‍ ഡി കോക്ക്, വിയാന്‍ മുള്‍ഡര്‍, കേശവ് മഹാരാജ്, ഡെയില്‍ സ്റ്റെയിന്‍, ഡുവാന്നെ ഒളിവിയര്‍
ശ്രീലങ്ക: ദിമുത് കരുണാരത്നേ, ലഹിരു തിരിമന്നേ, ഒഷാഡ ഫെര്‍ണാണ്ടോ, കുശല്‍ മെന്‍ഡിസ്, കുശല്‍ പെരേര, നിരോഷന്‍ ഡിക്ക്വെല്ല, ധനന്‍ജയ ഡിസില്‍വ, സുരംഗ ലക്മല്‍, ലസിത് എംബുല്‍ദേനിയ, കസുന്‍ രജിത, വിശ്വ ഫെര്‍ണാണ്ടോ
