സെഞ്ചൂറിയണില്‍ 335 റണ്‍സിനു ഓള്‍ഔട്ട് ആയി ദക്ഷിണാഫ്രിക്ക

- Advertisement -

സെഞ്ചൂറിയണില്‍ രണ്ടാം ദിവസത്തെ ആദ്യ സെഷനില്‍ തന്നെ ഓള്‍ഔട്ട് ആയി ദക്ഷിണാഫ്രിക്ക. ഒന്നാം ദിവസത്തെ സ്കോറായ 269/6 എന്ന നിലയില്‍ നിന്ന് ബാറ്റിംഗ് പുനരാരംഭിച്ച ദക്ഷിണാഫ്രിക്ക നല്‍കിയ അവസരങ്ങള്‍ പലവട്ടം ഇന്ത്യ കൈവിട്ടുവെങ്കിലും അശ്വിനും ഇഷാന്ത് ശര്‍മ്മയും കൂടി ആതിഥേയരെ 335 റണ്‍സിനു ഓള്‍ഔട്ട് ആക്കുകയായിരുന്നു.

തലേ ദിവസത്തെ സ്കോറിനോട് 13 റണ്‍സ് ചേര്‍ക്കുന്നതിനിടെ മുഹമ്മദ് ഷമി കേശവ് മഹാരാജിനെ പുറത്താക്കിയിരുന്നു. റബാഡയെയും 63 റണ്‍സ് നേടിയ ഫാഫ് ഡു പ്ലെസിയെയും ഇഷാന്ത് ശര്‍മ്മ പുറത്താക്കിയപ്പോള്‍ മോണേ മോര്‍ക്കലിന്റെ ചെറുത്ത് നില്പ് അശ്വിന്‍ അവസാനിപ്പിച്ചു.

അശ്വിന്‍ നാലും ഇഷാന്ത് മൂന്നും വിക്കറ്റ് നേടിയ മത്സരത്തില്‍ ഒരു വിക്കറ്റ് നേടിയത് ഷമിയാണ്. രണ്ട് ദക്ഷിണാഫ്രിക്കന്‍ ബാറ്റ്സ്മാന്മാര്‍ റണ്‍ഔട്ട് രൂപത്തിലാണ് പുറത്തായത്.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement