ന്യൂസിലാണ്ട് പേസര്‍ മാറ്റ് ഹെന്‍റിയെ ടീമിലെത്തിച്ച് സോമര്‍സെറ്റ്. 2023ൽ കൗണ്ടി ചാമ്പ്യന്‍ഷിപ്പിലെ 7 മത്സരങ്ങളിലും ടി20 ബ്ലാസ്റ്റിലെ സീസൺ മുഴുവനും കളിക്കുവാന്‍ താരം ടീമിനൊപ്പം ഉണ്ടാകും.
പാക്കിസ്ഥാനെതിരെയുള്ള ഏകദിന പരമ്പരയ്ക്ക് ശേഷം ഹെന്‍റി സോമര്‍സെറ്റ് സ്ക്വാഡിനൊപ്പം ചേരും. മേയ് 11ന് ലങ്കാഷയറുമായി താരം ആദ്യ മത്സരത്തിന് ഇറങ്ങും. ന്യൂസിലാണ്ടിനായി മൂന്ന് ഫോര്‍മാറ്റിലായി 89 മത്സരങ്ങളാണ് മാറ്റ് ഹെന്‍റി കളിച്ചിട്ടുള്ളത്. താന്‍ ഇംഗ്ലീഷ് സാഹചര്യങ്ങളിൽ കളിക്കുന്നത് ഇഷ്ടപ്പെടുന്നയാളാണെന്നും അതിനാൽ തന്നെ സോമര്‍സെറ്റിന് വേണ്ടി കളിക്കുന്നതിനായി ഉറ്റുനോക്കുകയാണെന്നും താരം സൂചിപ്പിച്ചു.
