ദി ഹണ്ട്രഡിൽ ഇന്ന് നടന്ന മത്സരത്തിൽ സൗത്ത് ബ്രേവ് വിമനെ വെൽഷ്ഫയർ വിമൻ പരാജയപ്പെടുത്തി. നാലു റൺസിന്റെ വിജയമാണ് വെൽഷ് ഫയർ നേടിയത്. ഇന്ത്യൻ സ്റ്റാർ സ്മൃതി മന്ദാനയുടെ തകർപ്പൻ ഇന്നിംഗ്സുണ്ടായിട്ടും വിജയത്തിലേക്ക് എത്താ സൗത്ത് ബ്രേവിന് ആയില്ല. ഇന്ന് ആദ്യം ബാറ്റു ചെയ്ത വെൽഷ് ഫയർ 100 പന്തിൽ 165-3 എന്ന സ്കോർ ഉയർത്തിയിരുന്നു. 65 റൺസ് എടുത്ത ഹെയ്ലി മാത്യൂസ് ആണ് വെൽഷ ഫയറിന്റെ ടോപ് സ്കോറർ ആയത്‌.
38 പന്തിൽ ആണ് 65 റൺസ് ഹെയലി എടുത്തത്‌. മറുപടി ബാറ്റിങിന് ഇറങ്ങിയ സൗത്ത് ബ്രേവിന് മികച്ച തുടക്കമാണ് ഓപ്പണിഗ് ജോഡിയായ സ്മൃതി മന്ദാനയും ഡാനിയെലെ വ്യാട്ടും നൽകിയത്. 37 പന്തിൽ 67 റൺസ് എടുത്ത വ്യാട്ടിനെ നഷ്ടമായെങ്കിലും സ്മൃതി തുടർന്നു. 42 പന്തിൽ നിന്ന് 70 റൺസ് എടുത്ത് സ്മൃതി ഒരു വശത്ത് നിന്നു എങ്കിലും വിജയ റൺ നേടാൻ സ്മൃതിക്ക് ആയില്ല. സ്മൃതിയുടെ തുടർച്ചയായ രണ്ടാം ഫിഫ്റ്റിയാണിത്.
