പുതിയ ഐ സി സി ടി20 റാങ്കിംഗിൽ ഇന്ത്യൻ താരങ്ങൾക്ക് നേട്ടം. ഇന്ത്യൻ ഓപ്പണർ സ്മൃതി മന്ദാന വനിതാ ടി20 റാങ്കിംഗിൽ മൂന്നാം സ്ഥാനം നിലനിർത്തിയപ്പോൾ സഹതാരം ജെമിമ റോഡ്രിക്സ് 12-ാം സ്ഥാനത്തേക്ക് ഉയർന്നു. അയർലൻഡിനെതിരെ 56 പന്തിൽ 87 റൺസെടുത്ത മന്ദാന ഇന്നലെ വനിതാ ടി20 ലോകകപ്പിൽ ഇന്ത്യയെ സെമി ഫൈനലിലേക്ക് യോഗ്യത നേടുന്നതിന് സഹായിച്ചിരുന്നു. ജമീമയും ഈ ടൂർണമെന്റിൽ ബാറ്റു കൊണ്ട് നല്ല പ്രകടനങ്ങൾ കാഴ്ചവെച്ചിട്ടുണ്ട്.
യുവ ബാറ്റർ റിച്ച ഘോഷ് ഇന്നലെ ഡക്കിൽ ഔട്ട് ആയത് കൊണ്ട് 572 പോയിന്റുമായി 20ആം സ്ഥാനത്ത് നിൽക്കുകയാണ്. ബൗള് കൊണ്ട് ഗംഭീര ഫോമിൽ ഉള്ള രേണുക 711 റേറ്റിംഗ് പോയിന്റുമായി ഐസിസി ടി20 ബൗളിംഗ് റാങ്കിംഗിൽ അഞ്ചാം സ്ഥാനത്തെത്തി.
