സ്റ്റീവന്‍ സ്മിത്തിനെ ഷോര്‍ട്ട് ബോള്‍ എറിഞ്ഞ് പിടിച്ച് കെട്ടാമെന്ന് കരുതേണ്ടതില്ലെന്ന് പറഞ്ഞ് ഓസ്ട്രേലിയയുടെ സഹ പരിശീലകന്‍ ആയ ആന്‍ഡ്രൂ മക്ഡൊണാള്‍ഡ്. ഇന്ത്യന്‍ പേസര്‍മാര്‍ സ്മിത്തിനെതിരെ അത് പ്രയോഗിക്കുകയാണെങ്കില്‍ ഫലപ്രദമായേക്കില്ല എന്ന മുന്നറിയിപ്പും ആന്‍ഡ്രൂ നല്‍കി.
സ്മിത്തിനെ ഈ രീതിയില്‍ ഇന്ത്യ നേരിടുമെന്ന് ഉറപ്പാണെന്ന് പറഞ്ഞ ആന്‍ഡ്രു പക്ഷേ ഇന്ത്യയ്ക്ക് ഒരു പ്ലാന്‍ ബി ഉണ്ടാകുന്നത് നല്ലതായിരിക്കുമെന്നും വ്യക്തമാക്കി. മുമ്പും ഈ സമീപനം സ്മിത്തിനെതിരെ ഇവര്‍ പുറത്തെടുത്തുവെങ്കിലും വിജയം കണ്ടില്ലെന്നാണ് കാണാനാകുന്നതെന്ന് ആന്‍ഡ്രൂ വ്യക്തമാക്കി.
ഇംഗ്ലണ്ടിന്റെ ജോഫ്ര ആര്‍ച്ചര്‍ ഇത് പ്രയോഗിച്ച് സ്മിത്തിന്റെ ഹെല്‍മറ്റില്‍ പന്ത് കൊള്ളിപ്പിച്ചുവെങ്കിലും അതിന് ശേഷം സ്മിത്ത് റണ്‍സ് കണ്ടെത്തുന്നതാണ് കണ്ടത്.
