ഓസ്ട്രേലിയയുടെ ടെസ്റ്റ് പാറ്റ് കമ്മിന്‍സ് ഇന്ത്യയ്ക്കെതിരെയുള്ള നാലാം ടെസ്റ്റിനും ഉണ്ടാകില്ല എന്ന് സൂചനകൾ. താരത്തിന്റെ മാതാവിന് അസുഖം വന്നതിനാലാണ് താരം രണ്ടാം ടെസ്റ്റ് കഴിഞ്ഞ ഉടനെ നാട്ടിലേക്ക് മടങ്ങിയത്. താരം ടെസ്റ്റ് പരമ്പര അവസാനിക്കും വരെ കുടുംബത്തോടൊപ്പം തന്നെ തുടരും എന്നാണ് റിപ്പോർട്ടുകൾ. കമ്മിൻസിന്റെ അഭാവത്തിൽ സ്റ്റീവ് സ്മിത്ത് ആയിരുന്നു ഇന്‍ഡോറിൽ നടന്ന മൂന്നാം ടെസ്റ്റിൽ ഓസ്ട്രേലിയയെ നയിച്ചത്.
ആ ടെസ്റ്റ് ഓസ്ട്രേലിയയെ വിജയിപ്പിച്ച് കൊണ്ട് പരമ്പര 2-1 എന്നാക്കാൻ സ്മിത്തിനായിരുന്നു. സ്മിത്തിന്റെ ക്യാപ്റ്റൻസിയെ ഏവരും പ്രശംസിക്കുകയും ചെയ്തു. നാലാം ടെസ്റ്റിലും സ്മിത്ത് തന്നെ ഓസ്ട്രേലിയൻ ക്യാപ്റ്റൻ ആയി തുടരും. അദ്ദേഹത്തിന്റെ കീഴിൽ ഒരു ടെസ്റ്റ് കൂടെ ജയിച്ച് പരമ്പര സമനിലയിൽ ആക്കുക ആകും ഓസ്ട്രേലിയൻ ലക്ഷ്യം.
