ഐസിസി പിരിച്ച് വിട്ട ശ്രീലങ്കന്‍ ക്രിക്കറ്റ് ബോര്‍ഡിന് പ്രതീക്ഷയുണര്‍ത്തുന്ന വാര്‍ത്ത. ശ്രീലങ്കന്‍ കായിക മന്ത്രാലയത്തിന്റെ ഇടപെടൽ ബോര്‍ഡ് നടത്തിപ്പിലുണ്ടായി എന്ന് ചൂണ്ടിക്കാണിച്ചാണ് ഐസിസി ശ്രീലങ്കന്‍ ബോര്‍ഡിനെ പിരിച്ച് വിട്ടത്. എന്നാൽ ഇപ്പോള്‍ ശ്രീലങ്കന്‍ ബോര്‍ഡിനെ ലക്ഷ്യം വെച്ച് നടപടികള്‍ എടുത്ത കായിക മന്ത്രി റോഷന്‍ രണസിംഗേയെ ശ്രീലങ്കന്‍ പ്രസിഡന്റ് പുറത്താക്കിയിരിക്കുകയായിരുന്നു. റോഷന്‍ രണസിംഗേ ശ്രീലങ്കന്‍ ബോര്‍ഡിന്റെ തിരഞ്ഞെടുത്ത ബോഡിയെ പുറത്താക്കിയതോടെയാണ് ബോര്‍ഡിനെ തന്നെ ഐസിസി പിരിച്ച് വിട്ടത്.
പകരം ടൂറിസം മന്ത്രി ഹരിന്‍ ഫെര്‍ണാണ്ടോയ്ക്ക് കായിക മന്ത്രിയുടെ സ്ഥാനം നൽകിയിട്ടുണ്ട്. സമീപ ഭാവിയിൽ തന്നെ ഐസിസി ബോര്‍ഡിന്റെ സസ്പെന്‍ഷന്‍ നടപടികള്‍ പിന്‍വലിക്കുമെന്നാണ് കരുതപ്പെടുന്നത്.
