പുതിയ ടി20 റാങ്കിംഗിലും സൂര്യകുമാർ യാദവ് തന്നെ ഒന്നാം സ്ഥാനത്ത്. ശ്രീലങ്കയ്ക്ക് എതിരായ ആദ്യ ടി20യിൽ തിളങ്ങാൻ ആയില്ല എങ്കിലും അത് അദ്ദേഹത്തിന്റെ റാങ്കിംഗിനെ ബാധിച്ചില്ല. ഇന്ത്യൻ ഓപ്പണർ ഇഷാൻ കിഷൻ ഈ റാങ്കിംഗിൽ വലിയ നേട്ടം ഉണ്ടാക്കി. അദ്ദേഹം 10 സ്ഥാനങ്ങൾ മെച്ചപ്പെടുത്തി 23-ാം സ്ഥാനത്തെത്തി. ആദ്യ ടി20യിൽ തിളങ്ങിയ ദീപക് ഹൂഡ ടി20 ഐ ബാറ്റർമാർക്കുള്ള ഏറ്റവും പുതിയ ഐസിസി റാങ്കിംഗിൽ ആദ്യ 100ന് ഉള്ളിലേക്കും എത്തി.
ആദ്യ ടി20യിൽ 23 പന്തിൽ 41 റൺസുമായി പുറത്താകാതെ നിന്ന ഹൂഡ 40 സ്ഥാനങ്ങൾ മെച്ചപ്പെടുത്തി 97-ാം സ്ഥാനത്ത് ആണ് എത്തിയത്.. ഇന്ത്യയുടെ ടി20 ക്യാപ്റ്റൻ ഹാർദിക് പാണ്ഡ്യ ഒമ്പത് സ്ഥാനങ്ങൾ മെച്ചപ്പെടുത്തി ബൗളർമാരിൽ 76-ാം സ്ഥാനത്തേക്കുമെത്തി.
