രണ്ടാം ഏകദിനത്തിൽ ഇന്ത്യക്ക് മുന്നിൽ ശ്രീലങ്ക 216 റൺസിന്റെ വിജയ ലക്ഷ്യം ഉയർത്തി. 39.4 ഓവറിൽ തന്നെ ശ്രീലങ്കയെ പുറത്താക്കാൻ ഇന്ത്യക്ക് ആയി. സിറാജും കുൽദീപും ഇന്ത്യക്ക് വേണ്ടി മൂന്ന് വിക്കറ്റുകൾ വീതം വീഴ്ത്തി.
ഇന്ന് ആദ്യം ബാറ്റു ചെയ്യാൻ തീരുമാനിച്ച ശ്രീലങ്കയുടെ തീരുമാനം തുടക്കത്തിൽ നല്ല രീർതിയിൽ പോയിരുന്നു. ഒരു ഘട്ടത്തിൽ അവർ 16 ഓവറിൽ 102-1 എന്ന് ആയിരുന്നു. അവിടെ നിന്ന് അവർ 126-6 എന്ന നിലയിലേക്ക് കൂപ്പുകുത്തു. ഓപ്പണർ ഫെർണാാണ്ടോ 50 എടുത്ത് റൺ ഔട്ട് ആയത് ശ്രീലങ്കയ്ക്ക് തിരിച്ചടിയായി. മെൻഡിസ് (34), ഹസരംഗ (21) എന്നിവർ ഭേദപ്പെട്ട സ്കോർ നടത്തി. എന്നാൽ ക്യാപ്റ്റൻ ശനക 2 റൺസ് മാത്രമെ ഇന്ന് എടുത്തുള്ളൂ.
ഇന്ത്യക്ക് കുൽദീപ് യാദവ്, സിറാജ് എന്നിവർ 3 വിക്കറ്റ് വീഴ്ത്തി തിളങ്ങി. ഉമ്രാൻ മാലിക് 2 വിക്കറ്റും അക്സർ പട്ടേൽ ഒരു വിക്കറ്റും നേടി.
