വിന്‍ഡീസിനെതിരെ രാജ്കോട്ട് ടെസ്റ്റില്‍ ഇന്ത്യ അതി ശക്തമായ നിലയില്‍. രണ്ടാം സെഷനില്‍ ചേതേശ്വര്‍ പുജാരയെയും പൃഥ്വി ഷായെയും ഇന്ത്യയ്ക്ക് നഷ്ടമായെങ്കിലും 232/3 എന്ന നിലയിലാണ് ഇന്ത്യ നില്‍ക്കുന്നത്. ചായയ്ക്ക് തൊട്ടുമുമ്പാണ് 134 റണ്‍സ് നേടിയ പൃഥ്വി ഷാ ദേവേന്ദ്ര ബിഷുവിനു റിട്ടേണ്‍ ക്യാച്ച് നല്‍കി മടങ്ങിയത്.
ഉച്ച ഭക്ഷണത്തിനു ശേഷം ചേതേശ്വര്‍ പുജാരയെ ഇന്ത്യയ്ക്ക് നഷ്ടമായിരുന്നു. അരങ്ങേറ്റക്കാരന്‍ ഷെര്‍മന്‍ ലൂയിസിനു വിക്കറ്റ് നല്‍കിയാണ് പുജാരയുടെ മടക്കം. 86 റണ്‍സാണ് താരം രാജ്കോട്ടില്‍ നേടിയത്. ഇന്ത്യയ്ക്കായി 4 റണ്‍സുമായി വിരാട് കോഹ്‍ലിയും റണ്ണൊന്നുമെടുക്കാതെ അജിങ്ക്യ രഹാനെയുമാണ് ക്രീസില്‍ നില്‍ക്കുന്നത്.
