പി എസ് ജി വിടും എന്ന് പ്രഖ്യാപിച്ച എംബപ്പെ റയൽ മാഡ്രിഡിലേക്ക് തന്നെ. എംബപ്പെയും റയലും തമ്മിൽ കരാർ ധാരണയിൽ എത്തിയിട്ടുണ്ട് എന്നാണ് റിപ്പോർട്ട്. പി എസ് ജിയുടെ അവസാന മത്സരം കഴിയുന്നതിന് പിന്നാലെ റയൽ മാഡ്രിഡ് എംബപ്പെയുടെ സൈനിംഗ് പൂർത്തിയാക്കി പ്രഖ്യാപനം നടത്തും എന്നാണ് സ്പാനിഷ് മാധ്യമങ്ങൾ റിപ്പോർട്ട് ചെയ്യുന്നത്.
ഇപ്പോൾ പി എസ് ജിയിൽ എംബപ്പെ വാങ്ങുന്ന വേതനത്തേക്ക് താഴെ ആകും റയൽ മാഡ്രിഡിൽ എംബപ്പെയുടെ വേതനം. യൂറോപ്പിൽ ഒരു ഫുട്ബോൾ താരം വാങ്ങുന്ന ഏറ്റവും വലിയ വേതനമാണ് പി എസ് ജിയിൽ എംബപ്പെ വാങ്ങുന്നത്. അത് നൽകാൻ റയൽ മാഡ്രിഡ് ഒരുക്കമല്ല. വേതനം കുറച്ച് റയൽ മാഡ്രിഡിലേക്ക് വരാൻ എംബപ്പെ ഒരുക്കമായിരുന്നു. തന്റെ ഏറ്റവും ഇഷ്ട ക്ലബായാണ് എംബപ്പെ റയലിനെ കാണുന്നത്.
