primus mobile
primus mobile

മാര്‍ഷിന്റെ തോളിലെ പരിക്ക്, സ്കാനിംഗുകള്‍ക്ക് താരം വിധേയനാകും

ടി20 ബ്ലാസ്റ്റില്‍ ഫീല്‍ഡ് ചെയ്യുന്നതിനിടെ തോളിനു പരിക്കേറ്റ ഷോണ്‍ മാര്‍ഷ് തുടര്‍ പരിശോധനയുടെ ഭാഗമായി സ്കാനിംഗിനു വിധേയനാകുമെന്ന് അറിയിച്ചു. ഗ്ലാമോര്‍ഗന്‍-സസ്സെക്സ് പോരാട്ടത്തിനിടെയാണ് താരത്തിനു പരിക്കേറ്റത്. ബൗണ്ടറി തടയുന്നതിനിടെയാണ് സംഭവമുണ്ടാകുന്നതും ഉടന്‍ തന്നെ താരത്തിനെ വൈദ്യ പരിശോധനയ്ക്കായി കൊണ്ടുപോയിരുന്നു.

റോയല്‍ ലണ്ടന്‍ കപ്പിലും ഓസ്ട്രേലിയയ്ക്കായി മികച്ച ഫോമിലുള്ള താരം പരിക്കേറ്റ് ഏറെ നാള്‍ പുറത്ത് പോകുകയാണെങ്കില്‍ അത് ഓസ്ട്രേലിയയ്ക്ക് വീണ്ടും തലവേദന സൃഷ്ടിയ്ക്കും. പ്രമുഖ താരങ്ങളില്ലാതെ ഓസ്ട്രേലിയ ടെസ്റ്റിലും ഏകദിനങ്ങളിലും തങ്ങളുടെ സാന്നിധ്യം ഉറപ്പിക്കുവാന്‍ കഷ്ടപ്പെടുന്ന ഘട്ടത്തിലാണ് മാര്‍ഷിന്റെ പരിക്ക് കൂടിയെത്തുന്നത്.

കൂടുതൽ കായിക വാർത്തകൾക്ക് : www.facebook.com/FanportOfficial