ഐപിഎലിന്റെ ക്ഷീണമുണ്ട്, എന്നാൽ ഷാക്കിബ് സ്കോട്‍ലാന്‍ഡിനെതിരെയുള്ള മത്സരത്തിന് സെലക്ഷന് തയ്യാര്‍ – മഹമ്മദുള്ള

Shakibalhasan2

ഐപിഎലിൽ കളിച്ച ബംഗ്ലാദേശ് ഓള്‍റൗണ്ടര്‍ ഷാക്കിബ് അല്‍ ഹസന് ക്ഷീണമുണ്ടെങ്കിലും താരം സ്കോട്‍ലാന്‍ഡിനെതിരെയുള്ള ആദ്യ യോഗ്യത മത്സരത്തിന് കളിക്കാനുണ്ടാകുമെന്ന് അറിയിച്ച് ടീം ക്യാപ്റ്റന്‍ മഹമ്മദുള്ള.

താരം ടീമിനൊപ്പം ചേര്‍ന്നിട്ടുണ്ടെന്നും അല്പം ക്ഷീണമുള്ളതായി തോന്നുന്നുവെങ്കിലും ടീമിന്റെ ടി20 ലോകകപ്പിലെ ആദ്യ മത്സരത്തിൽ കളിക്കാനുണ്ടാകുമെന്നും മഹമ്മദുള്ള വ്യക്തമാക്കി.

സന്നാഹ മത്സരങ്ങളിൽ രണ്ടിലും ബംഗ്ലാദേശ് ശ്രീലങ്കയോടും അയര്‍ലണ്ടിനോടും പരാജയപ്പെട്ടിരുന്നു. എന്നാൽ സന്നാഹ മത്സരത്തിലെ ഫലത്തിനെക്കുറിച്ച് താന്‍ വ്യാകുലനല്ലെന്നാണ് ബംഗ്ലാദേശ് നായകന്‍ പറഞ്ഞത്. പല പ്രധാന താരങ്ങളില്ലാതെയാണ് ബംഗ്ലാദേശ് സന്നാഹ മത്സരത്തിനിറങ്ങിയതെന്നും മഹമ്മദുള്ള അഭിപ്രായപ്പെട്ടു.

Previous articleവോൾവ്സ് മാജിക്ക്!! അവസാന പത്തു മിനുട്ടിൽ മൂന്ന് ഗോൾ അടിച്ച് ഒരു കം ബാക്ക്!!
Next articleഛേത്രി തുടങ്ങി, സഹൽ അവസാനിപ്പിച്ചു, സാഫ് കിരീടം ഇന്ത്യക്ക് സ്വന്തം!!