ഷോണ്‍ വില്യംസിനും അര്‍ദ്ധ ശതകം, സിംബാബ്‍വേ 149/4

Sports Correspondent

Download the Fanport app now!
Appstore Badge
Google Play Badge 1

ബംഗ്ലാദേശിനെതിരെ 4 വിക്കറ്റ് നഷ്ടത്തില്‍ 149 റണ്‍സ് നേടി സിംബാബ്‍വേ. ഇന്ന് മത്സരത്തിന്റെ ആദ്യ ദിവസം ഉച്ച ഭക്ഷണത്തിനു പിരിയുമ്പോള്‍ 85/2 എന്ന നിലയിലായിരുന്ന സിംബാബ്‍വേയ്ക്ക് ഇടവേളയ്ക്ക് ശേഷം തിരിച്ചെത്തിയ ഉടനെ നായകന്‍ ഹാമിള്‍ട്ടണ്‍ മസകഡ്സയെ നഷ്ടമാകുകയായിരുന്നു. 52 റണ്‍സ് നേടിയ താരത്തെ അബു ജയേദ് ആണ് പുറത്താക്കിയത്.

സിക്കന്ദര്‍ റാസയും(19) ഏറെ വൈകാതെ പുറത്തായപ്പോള്‍ സിംബാബ്‍വേ 129/4 എന്ന നിലയിലായി. പിന്നീട് തന്റെ അര്‍ദ്ധ ശതകം തികച്ച ഷോണ്‍ വില്യംസും പീറ്റര്‍ മൂറും ചേര്‍ന്ന് ചായ വരെ വിക്കറ്റ് നഷ്ടമില്ലാതെ സിംബാബ്‍വേയെ എത്തിച്ചു. 53 റണ്‍സ് നേടിയ ഷോണ്‍ വില്യംസിനു കൂട്ടായി 5 റണ്‍സുമായി പീറ്റര്‍ മൂര്‍ ആണ് ക്രീസില്‍.

62 ഓവറുകള്‍ പിന്നിടുമ്പോള്‍ സിംബാബ്‍വേ 149/4 എന്ന നിലയിലാണ്. തൈജുള്‍ ഇസ്ലാം രണ്ടും അബു ജയേദ്, നസ്മുള്‍ ഇസ്ലാം എന്നിവര്‍ ഓരോ വിക്കറ്റ് ബംഗ്ലാദേശിനായി നേടി.