രാജ്‌കോട്ട് ടെസ്റ്റിനിടെ സർഫറാസ് ഖാൻ റണ്ണൗട്ടായതിൽ ക്ഷമ ചോദിച്ച് രവീന്ദ്ര ജഡേജ. തന്റെ പിഴവാണ് സർഫറാസ് ഔട്ടാകാൻ കാരണം എന്ന് പറഞ്ഞ് ജഡേജ ഇൻസ്റ്റാഗ്രാമിൽ ഒരു സ്റ്റോറി പങ്കുവെച്ചു.
ജഡേജ തൻ്റെ നാലാം ടെസ്റ്റ് സെഞ്ച്വറി നേടാനായി സിംഗിൾ നേടാൻ ശ്രമിക്കവെ ആയിരുന്നു സർഫറാസ് റണ്ണൗട്ട് ആയത്. 62 റൺസുമായി നല്ല രീതിയിൽ ബാറ്റ് ചെയ്യുകയായിരുന്നു അരങ്ങേറ്റക്കാരനായ സർഫറാസ്.
ജഡേജയ്‌ക്കെതിരെ സോഷ്യൽ മീഡിയയിൽ ആരാധകർ രൂക്ഷ വിമർശനവുമായി രംഗത്തെത്തിയിരുന്നു. “സർഫറാസ് ഖാൻ അങ്ങനെ ഔട്ടയതിൽ വിഷമം തോന്നുന്നു. അത് എൻ്റെ തെറ്റായ കോളായിരുന്നു. അദ്ദേഹം നന്നായി കളിച്ചു,” ജഡേജ ഇൻസ്റ്റാഗ്രാം സ്റ്റോറിയിൽ പറഞ്ഞു.
