സംഗക്കാര എന്നും സഹായഹസ്തം നല്കിയിരുന്നു: ഒല്ലി പോപ്
സറേയില് ഉണ്ടായിരുന്ന സമയത്തെല്ലാം തന്നെ മുന് ശ്രീലങ്കന് താരം കുമാര് സംഗക്കാര തന്നെ സഹായിച്ചിരുന്നുവെന്ന് അഭിപ്രായപ്പെട്ട് ഒല്ലി പോപ്. ഇന്ന് ഇന്ത്യയ്ക്കെതിരെ ലോര്ഡ്സില് ഇംഗ്ലണ്ടിനു വേണ്ടി അരങ്ങേറ്റം കുറിച്ചിരുന്നു ഒല്ലി പോപ്. ദാവീദ് മലനു പകരം ടീമിലെത്തിയതായിരുന്നു താരം. സംഗക്കാര തന്നെ എന്നും വീക്ഷിച്ചിരുന്നുവെന്നും എപ്പോഴും സഹായഹസ്തം നീട്ടിയിരുന്നുവെന്നും പോപ് പറഞ്ഞു.
സംഗക്കാരയോടൊപ്പം 100 റണ്സ് കൂട്ടുകെട്ട് നേടിയ ഒരു മത്സരത്തില് താരത്തിന്റെ വാക്കുകളാണ് തന്നെ ഏറെ സഹായിച്ചതെന്നും ഒല്ലി പോപ് പറഞ്ഞു. സംഗക്കാരയോടൊപ്പം ബാറ്റ് ചെയ്തത് തന്റെ ആത്മവിശ്വാസത്തെ ഉയര്ത്തുവാനും സഹായിച്ചെന്ന് ഒല്ലി പോപ് പറഞ്ഞു.
കൂടുതൽ കായിക വാർത്തകൾക്ക് : www.facebook.com/FanportOfficial
