റൂട്ടിന് ശതകം, ഇംഗ്ലണ്ട് കൂറ്റന്‍ സ്കോറിലേക്ക്

Joeroot

ശ്രീലങ്കയെ 135 റണ്‍സില്‍ ഓള്‍ഔട്ട് ആക്കിയ ശേഷം ഒന്നാം ദിവസം 127/2 എന്ന നിലയില്‍ അവസാനിപ്പിച്ച ഇംഗ്ലണ്ടിന് 4 റണ്‍സ് കൂടി നേടുന്നതിനിടെ രണ്ടാം ദിവസം ജോണി‍ ബൈര്‍സ്റ്റോയെ നഷ്ടമായെങ്കിലും ജോ റൂട്ടും അരങ്ങേറ്റക്കാരന്‍ ഡാനിയേല്‍ ലോറന്‍സും ചേര്‍ന്ന് ടീമിനെ മികച്ച ലീഡിലേക്ക് നയിച്ചു. 80 ഓവര്‍ പിന്നിടുമ്പോള്‍ ഇംഗ്ലണ്ട് 141 റണ്‍സ് ലീഡോടു കൂടി 276/3 എന്ന നിലയിലാണ്. ജോണി ബൈര്‍സ്റ്റോയുടെ(47) വിക്കറ്റ് എംബുല്‍ദേനിയയ്ക്കാണ്. ഇന്നിംഗ്സിലെ തന്റെ മൂന്നാം വിക്കറ്റാണ് താരം നേടിയത്.

138 റണ്‍സുമായി ജോ റൂട്ടും 67 റണ്‍സ് നേടി ഡാനിയേല്‍ ലോറന്‍സുമാണ് നാലാം വിക്കറ്റില്‍ 145 റണ്‍സുമായി ഇംഗ്ലണ്ടിന് വേണ്ടി നിലയുറപ്പിച്ചിട്ടുള്ളത്.

Previous articleഒഡീഷയ്ക്ക് പുതിയ ക്ലബ് പ്രസിഡന്റ്
Next articleലിവർപൂളിനെതിരായ പോരിന് തയ്യാറാണെന്ന് പോഗ്ബ