രോഹിത്തിന് വിശ്രമം നൽകേണ്ട ആവശ്യം ഇല്ലായിരുന്നു – ആര്‍പി സിംഗ്

20220227 205441

ദക്ഷിണാഫ്രിക്കയുടെ ടി20 പരമ്പരയിൽ നിന്ന് രോഹിത് ശര്‍മ്മയ്ക്ക് വിശ്രമം നൽകേണ്ട സാഹചര്യം ഉണ്ടായിരുന്നില്ലെന്ന് പറഞ്ഞ് ആര്‍പി സിംഗ്. മുംബൈ ഇന്ത്യന്‍സിന് വേണ്ടി ഐപിഎലില്‍ മോശം ഫോമിൽ കളിച്ച രോഹിത്തിന് കൂടുതൽ മത്സരങ്ങളിൽ കളിച്ച് ഫോമിൽ തിരികെ എത്തുവാന്‍ ഈ അവസരം ഉപയോഗിക്കാമായിരുന്നുവെന്നാണ് ആര്‍പി സിംഗ് വ്യക്തമാക്കിയത്.

പല പ്രധാന സീനിയര്‍ താരങ്ങളും ദക്ഷിണാഫ്രിക്കയ്ക്കെതിരെയുള്ള പരമ്പരയിൽ നിന്ന് ഇടവേള എടുത്തുവെങ്കിലും ക്യാപ്റ്റനെന്ന നിലയിൽ രോഹിത് ഈ പരമ്പര കളിക്കണമെന്നായിരുന്നുവെന്നാണ് ആര്‍പി സിംഗ് വ്യക്തമാക്കിയത്.

വിശ്രമം വേണമോ വേണ്ടയോ എന്നത് ഒരു കളിക്കാരന്റെ തീരുമാനം ആണെന്നും ആര്‍പി സിംഗ് കൂട്ടിചേര്‍ത്തു.

Previous articleബാഴ്സലോണ യുവതാരം ഫെറാൻ ജുഗ്ല ക്ലബ് വിടുന്നു
Next articleവിനീത് റായ്ക്ക് വേണ്ടി മോഹൻ ബഗാൻ രംഗത്ത്