ക്യാപ്റ്റന്റെ ഇന്നിംഗ്സുമായി രോഹിത് ശർമ്മ

ചാമ്പ്യൻസ് ട്രോഫി ഫൈനലിൽ തകർപ്പൻ ഇന്നിംഗ്സുമായി ക്യാപ്റ്റൻ രോഹിത് ശർമ്മ. ന്യൂസിലൻഡ് ഉയർത്തിയ 252 എന്ന വിജയലക്ഷ്യം പിന്തുടർന്ന ഇന്ത്യക്ക് നല്ല തുടക്കം നൽകാൻ രോഹിത് ശർമ്മക്ക് ആയി.

അദ്ദേഹം തുടക്കത്തിൽ തന്നെ പേസർമാരെ കണക്കിന് പ്രഹരിച്ചു. 41 പന്തിലേക്ക് ക്യാപ്റ്റൻ അർധ സെഞ്ച്വറി പൂർത്തിയാക്കി. ഈ ടൂർണമെന്റിൽ വലിയ സ്കോർ കണ്ടെത്താൻ ആയില്ല എന്ന വിഷമം രോഹിത് ഇന്ന് തീർത്തു. രോഹിത് ആകെ 83 പന്തിൽ 76 റൺസ് എടുത്തു. 3 സിക്സും 7 ഫോറും രോഹിത് അടിച്ചു.

സെഞ്ച്വറിയിലേക്ക് എത്താൻ ആവാത്തതിന്റെ വിഷമം രോഹിത് ശർമ്മക്ക് ഉണ്ടാകും. രോഹിത് പുറത്താകുമ്പോൾ ഇന്ത്യ 26.1 ഓവറിൽ 122 റൺസിൽ നിൽക്കുകയാണ്.