റോഡ് സേഫ്ടി വേള്‍ഡ് സീരീസ് 2021ല്‍ പങ്കെടുക്കുന്നതിനായി സച്ചിന്‍ ടെണ്ടുല്‍ക്കറും യുവരാജ് സിംഗും റായ്പൂരില്‍ എത്തി. മാര്‍ച്ച് 2020ല്‍ നടക്കാനിരുന്ന ടൂര്‍ണ്ണമെന്റ് കോവിഡിന്റെ പശ്ചാത്തലത്തില്‍ മാറ്റി വയ്ക്കുകയായിരുന്നു. മാര്‍ച്ച് 5ന് റായ്പൂരില്‍ വീണ്ടും ടൂര്‍ണ്ണമെന്റ് ആരംഭിക്കുമ്പോള്‍ ഇന്ത്യ ലെജന്‍ഡ്സിന് വേണ്ടിയാണ് സച്ചിനും യുവരാജും കളത്തിലിറങ്ങുന്നത്.
മുംബൈയിലും പൂനെയിലും നടക്കാനിരുന്ന ടൂര്‍ണ്ണമെന്റ് ഇവിടങ്ങളിലെ കോവിഡ് വ്യാപനത്തിന്റെ പശ്ചാത്തലത്തില്‍ ചത്തീസ്ഗഢിലെ ഷഹീദ് വീര്‍ നാരായണ്‍ സിംഗ് അന്താരാഷ്ട്ര സ്റ്റേഡിയത്തില്‍ നടത്തുവാന്‍ തീരുമാനിക്കുകയായിരുന്നു.
https://www.instagram.com/p/CL63aqOjiwM/?utm_source=ig_embed
യുവരാജ് സിംഗ് ആണ് തന്റെ ഇന്‍സ്റ്റാഗ്രാമില്‍ സച്ചിനുമായി പിപിഇ കിറ്റ് ധരിച്ചുള്ള ചിത്രം പങ്കുവെച്ചത്. മാര്‍ച്ച് 21ന് ആണ് ടൂര്‍ണ്ണമെന്റിന്റെ ഫൈനല്‍ നടക്കുക.
