2023-ലെ ഏഷ്യാ കപ്പിന്റെ ഉദ്ഘാടന മത്സരത്തിൽ ഇന്ത്യ പാക്കിസ്ഥാനെ നേരിടാൻ ഒരുങ്ങുകയാണ്. ഇന്ത്യയും പാകിസ്താനും തുല്യ ശക്തികളാണ് എന്നും ആര് സമ്മർദ്ദം അതിജീവിക്കുന്നോ അവർ വിജയിക്കും എന്നും പാകിസ്താൻ വിക്കറ്റ് കീപ്പർ ബാറ്റ്സ്മാൻ മുഹമ്മദ് റിസുവാൻ പറഞ്ഞു. സെപ്റ്റംബർ 2, ശനിയാഴ്ച ശ്രീലങ്കയിലെ പല്ലേക്കലെ അന്താരാഷ്ട്ര ക്രിക്കറ്റ് സ്റ്റേഡിയത്തിൽ ആണ് ഇന്ത്യ പാക് പോരാട്ടം നടക്കേണ്ടത്.
“ഇന്ത്യയും ഒരു നല്ല ടീമാണ്, ഞങ്ങളും ഒരു നല്ല ടീമാണ്. ഇന്ത്യയ്ക്ക് അവരുടെ ശക്തികളും ദൗർബല്യങ്ങളും ഉണ്ട്, നമുക്കും ഉണ്ട്. ലോകം വീക്ഷിക്കുന്ന ഒരു മത്സരമാണിത്. അതിന്റെ സമ്മർദ്ദം ഉണ്ടാകും” റിസുവാൻ പറഞ്ഞു.
“ഇരു ടീമുകളും പരിചയസമ്പത്തുള്ള വലിയ താരങ്ങൾ ഉണ്ട്. എന്റെ അഭിപ്രായത്തിൽ, സമ്മർദ്ദം കൈകാര്യം ചെയ്യുന്നയാൾ മത്സരം വിജയിക്കും,” റിസ്വാൻ പറഞ്ഞു.
