വാഹനാപകടത്തിൽ നിന്ന് തന്നെ രക്ഷിച്ച യുവാക്കൾക്ക് ബൈക് സമ്മാനിച്ച് ഋഷഭ് പന്ത്

2022 ഡിസംബർ 30-ന് മാരകമായ വാഹനാപകടത്തിൽ നിന്ന് തൻ്റെ ജീവൻ രക്ഷിച്ച യുവാക്കൾക്ക് സമ്മാനം നൽകി ഇന്ത്യൻ താരം റിഷഭ് പന്ത്‌. രജത്തിനും നിഷുവിനും ആണ് ഇന്ത്യയുടെ സ്റ്റാർ വിക്കറ്റ് കീപ്പർ-ബാറ്ററായ ഋഷഭ് പന്ത് ഹൃദയംഗമമായ നന്ദി ഒരു സമ്മാനത്തിലൂടെ രേഖപ്പെടുത്തിയത്.

പന്തിൻ്റെ അമിതവേഗതയിലുള്ള കാർ ഡിവൈഡറിൽ ഇടിച്ച് തീപിടിക്കുകയായിരുന്നു. കത്തിക്കരിഞ്ഞ വാഹനത്തിൽ നിന്ന് രക്ഷപ്പെടാൻ ക്രിക്കറ്റ് താരത്തെ സഹായിക്കുകയും അദ്ദേഹത്തിന് കൃത്യസമയത്ത് വൈദ്യസഹായം ഉറപ്പാക്കുകയും ചെയ്തത് രജത്തും നിഷുവും ആയിരുന്നു. അവരുടെ ജീവൻ രക്ഷാപ്രവർത്തനത്തിനുള്ള അഭിനന്ദനത്തിൻ്റെ അടയാളമായി പന്ത് അടുത്തിടെ അവർക്ക് തൻ്റെ പേര് മുദ്രണം ചെയ്ത സ്കൂട്ടറുകൾ സമ്മാനിച്ചു.