സമീപ ഭാവിയിൽ ഇന്ത്യൻ ക്രിക്കറ്റിന് എല്ലാ ഫോർമാറ്റിലും വലിയ മുതൽക്കൂട്ടാകാൻ യുവ ബാറ്റ്‌സ്മാൻ റിങ്കു സിങ്ങിനാകും എന്ന് മുൻ ഇന്ത്യൻ ഫാസ്റ്റ് ബൗളർ ആശിഷ് നെഹ്റ. “അദ്ദേഹം ഇത് ആദ്യമായല്ല ഈ ഫിനിഷറുടെ റോൾ ചെയ്യുന്നത്. അവന്റെ ബാറ്റിംഗിനെക്കുറിച്ച് മാത്രമല്ല, അവൻ ഒരു മികച്ച ടീം മാൻ ആണെന്ന് മനസ്സിലാക്കാം. അത് ഇന്ത്യൻ ക്രിക്കറ്റിന് വലിയ മുതൽക്കൂട്ടായിരിക്കും.” നെഹറ പറഞ്ഞു.
“ഞങ്ങൾ ടി20 ക്രിക്കറ്റിനെ കുറിച്ച് മാത്രമാണ് സംസാരിക്കുന്നത്, പക്ഷേ നാളെ റിങ്കുവിന് ഏകദിന ക്രിക്കറ്റും കളിക്കാൻ കഴിയും” ആശിഷ് നെഹ്റ ജിയോസിനിമയോട് പറഞ്ഞു,
“ഞാൻ ‘ഫിനിഷർ’ എന്ന വാക്കിന്റെ വലിയ ആരാധകനല്ല. നിങ്ങളുടെ ഓപ്പണർക്ക് ഒരു ഫിനിഷർ ആകാം, അവൻ സെഞ്ച്വറി നേടിയാൽ അയാൾക്ക് കളി പൂർത്തിയാക്കി മടങ്ങിവരാം. അവൻ എവിടെയും കളിക്കാൻ കഴിയുന്ന ഒരാളാണ്, അവൻ 50 ഓവർ ക്രിക്കറ്റിൽ മുന്നോട്ട് പോകുന്നത് എനിക്ക് കാണാം, അവന് നമ്പർ 4 മുതൽ നമ്പർ 6 വരെ ബാറ്റ് ചെയ്യാൻ കഴിയും” നെഹ്റ പറഞ്ഞു.
