ഏഷ്യൻ ഗെയിംസിന് ഉള്ള ഇന്ത്യൻ ടീമിൽ അവസരം ലഭിച്ച റിങ്കു സിങ് താൻ അൽപ്പം വികാരഭരിതനാണെന്നും ആദ്യമായി ഇന്ത്യൻ ജേഴ്സി അണിയുമ്പോൾ തന്റെ കണ്ണ് നിറയും എന്ന് ഉറപ്പാണെന്നും റിങ്കു പറയുന്നു.
“ഞാൻ ശക്തനായ ഒരു വ്യക്തിയാണ്, പക്ഷേ അൽപ്പം ഇമോഷണലുമാണ്. ഞാൻ ആദ്യമായി ഇന്ത്യൻ ജേഴ്സി അണിയുമ്പോൾ കുറച്ച് കണ്ണുനീർ പൊഴിക്കും എന്ന് എനിക്ക് ഉറപ്പുണ്ട്. ഇത് ദീർഘവും ദുഷ്‌കരവുമായ ഒരു യാത്രയായിരുന്നു,” റിങ്കു RevSportz-നോട് പറഞ്ഞു.
“എല്ലാവരും ഇന്ത്യക്ക് വേണ്ടി കളിക്കാൻ സ്വപ്നം കാണുന്നു, ആ ജേഴ്സി ധരിക്കുക അതാണ് പ്രധാനം. ഞാൻ ഭാവിയെക്കുറിച്ച് കൂടുതൽ ചിന്തിക്കുന്നില്ല, കാരണം നിങ്ങൾ എത്രത്തോളം ചിന്തിക്കുന്നുവോ അത്രയധികം ഭാരം നിങ്ങൾ സ്വയം വഹിക്കും. ഒരു ദിവസം ഒരു ദിവസം എന്ന നിലയിലാണ് ജീവിതം എടുക്കുന്നത്.” റിങ്കു പറഞ്ഞു.
“പ്രൊഫഷണൽ സ്‌പോർട്‌സ് തിരഞ്ഞെടുക്കുമ്പോൾ ഒരു ദിവസം അല്ലെങ്കിൽ മറ്റൊരു ദിവസം തങ്ങളുടെ രാജ്യത്തെ പ്രതിനിധീകരിക്കാൻ എല്ലാവരും ആഗ്രഹിക്കുന്നു,” അദ്ദേഹം കൂട്ടിച്ചേർത്തു.
“ഞാൻ ഇന്ത്യൻ ജേഴ്സി ധരിക്കുന്നത് കാണുമ്പോൾ എന്റെ കുടുംബവും മാതാപിതാക്കളും എന്നെക്കാൾ സന്തോഷിക്കുമെന്ന് എനിക്കറിയാം. വർഷങ്ങളായി അവർ അതിനായി കാത്തിരിക്കുകയാണ്. അവർ എന്റെ പോരാട്ടം കണ്ടിട്ടുണ്ട്, അവർ എന്നെ സഹായിച്ചിട്ടുണ്ട്, എന്റെ എല്ലാ ഉയർച്ചയിലും താഴ്ചയിലും എന്നോടൊപ്പം ഉണ്ടായിരുന്നു. ഞാൻ ജഴ്‌സി അണിയുന്ന ദിവസം അവർക്കായി സമർപ്പിക്കും,” അദ്ദേഹം പറഞ്ഞു
