ഏകദിന ക്രിക്കറ്റ് മത്സരങ്ങളുടെ നിലനിൽപ്പിന് വലിയ മാറ്റങ്ങൾ വേണമെന്ന ആവശ്യവുമായി മുൻ ഇന്ത്യൻ താരം രവി ശാസ്ത്രി. ഇന്ത്യ – ഓസ്ട്രേലിയ ടെസ്റ്റ് മത്സരത്തിനിടെ ക്രിക്കറ്റിന്റെ ഭാവിയെ പറ്റി ചർച്ച ചെയ്ത സമയത്താണ് ഏകദിന ക്രിക്കറ്റിന്റെ നിലനിൽപ്പിന് വലിയ മാറ്റങ്ങൾ വേണമെന്ന ആവശ്യം രവി ശാസ്ത്രി മുൻപോട്ടുവെച്ചത്.
ഏകദിന ക്രിക്കറ്റ് മത്സരങ്ങൾ 50 ഓവറിന് പകരം 40 ഓവറാക്കി ചുരുക്കണമെന്ന് രവി ശാസ്ത്രി അഭിപ്രായപ്പെട്ടു. 1983ൽ ഇന്ത്യ ലോകകപ്പ് നേടിയപ്പോൾ മത്സരങ്ങൾ 60 ഓവർ ആയിരുന്നെന്നും തുടർന്ന് ആളുകളുടെ ശ്രദ്ധ കുറഞ്ഞപ്പോൾ 50 ഓവർ ആക്കിയെന്നും രവി ശാസ്ത്രി പറഞ്ഞു.
ടി20 ഫോർമാറ്റ് ആണ് ക്രിക്കറ്റിന്റെ ഭാവിയെന്നും എന്നാൽ രാജ്യങ്ങൾ തമ്മിലുള്ള ടി20 പരമ്പരകളിൽ കുറവ് വരുത്തണമെന്നും ശാസ്ത്രി പറഞ്ഞു. ടി20 ക്രിക്കറ്റിന്റെ പ്രചാരണത്തിനായി പ്രാദേശിക ടി20 ലീഗുകൾ ഉണ്ടെന്നും രവി ശാസ്ത്രി കൂട്ടിച്ചേർത്തു.
