അഫ്ഗാനിസ്താൻ ക്യാപ്റ്റൻ റാഷിദ് ഖാൻ ടി20 റാങ്കിംഗിൽ ഒന്നാം സ്ഥാനത്തേക്ക് തിരികെയെത്തി. ഷാർജയിൽ പാക്കിസ്ഥാനെതിരായ പരമ്പരയിൽ ഗംഭീര പ്രകടനം നടത്താൻ റാഷിദ് ഖാനായിരുന്നു.
2018ൽ ആയിരുന്നു ആദ്യമായി റാഷിദ് ടി20യിൽ ഒന്നാം നമ്പർ ബൗളറായത്. വനിന്ദു ഹസരംഗയെ മറികടന്നാണ് റാഷിദ് ഇപ്പോൾ ഒന്നാം സ്ഥാനത്ത് എത്തി. പാക്കിസ്ഥാനെതിരെ മൂന്ന് വിക്കറ്റുകൾ നേടിയ റാഷിദ് ഖാൻ തന്റെ എകോണമി 5ൽ നിർത്തുകയും ചെയ്തിരുന്നു. രണ്ടാം സ്ഥാനത്തുള്ള ഹസരംഗയേക്കാൾ 15 റേറ്റിംഗ് പോയിന്റുകൾ കൂടുതലുള്ള റാഷിദിന് ഇപ്പോൾ 710 റേറ്റിംഗ് പോയിന്റുണ്ട്.
പാക്കിസ്ഥാനെതിരായൊ ഗംഭീര ബൗളിംഗ് കാഴ്ചവെച്ച അഫ്ഗാനിസ്ഥാൻ ഫാസ്റ്റ് ബൗളർ ഫസൽഹഖ് ഫാറൂഖി വലിയ നേട്ടം ഈ റാങ്കിംഗിൽ ഉണ്ടാക്കി. ഇടങ്കയ്യൻ പേസർ 12 സ്ഥാനങ്ങൾ ഉയർന്ന് മൂന്നാം സ്ഥാനത്തെത്തി. സൺറൈസേഴ്‌സ് ഹൈദരാബാദിനായാണ് ഫാറൂഖി ഐ പി എല്ലിൽ കളിക്കുക.
