സച്ചിന്‍ ബേബിയുടെ മികവില്‍ അഞ്ഞൂറും കടന്ന് കേരളം

നായകന്‍ സച്ചിന്‍ ബേബി പുറത്താകാതെ നേടിയ 153 റണ്‍സിന്റെ ബലത്തില്‍ ഡല്‍ഹിയ്ക്കെതിരെ കൂറ്റന്‍ സ്കോര്‍ നേടി കേരളം. സച്ചിന്‍ ബേബിയ്ക്ക് പുറമെ റോബിന്‍ ഉത്തപ്പ(102), രാഹുല്‍ പി(97), സല്‍മാന്‍ നിസാര്‍(77) എന്നിവരാണ് കേരളത്തിനായി ബാറ്റിംഗില്‍ തിളങ്ങിയത്. ഒന്നാം ദിവസത്തെ സ്കോറായ 276/3 എന്ന നിലയില്‍ ബാറ്റിംഗ് പുനരാരംഭിച്ച കേരളത്തിന് തുടക്കത്തില്‍ രണ്ട് വിക്കറ്റ് നഷ്ടമായെങ്കിലും സച്ചിന്‍ ബേബി-സല്‍മാന്‍ നിസാര്‍ കൂട്ടുകെട്ട് ടീമിനെ മുന്നോട്ട് നയിക്കുകയായിരുന്നു. ആറാം വിക്കറ്റില്‍ ഇരുവരും ചേര്‍ന്ന് 156 റണ്‍സാണ് നേടിയത്.

77 റണ്‍സ് നേടിയ സല്‍മാന്‍ നിസാര്‍ പുറത്തായെങ്കിലും 153 റണ്‍സ് നേടിയ സച്ചിന്‍ ബേബി കേരളത്തെ ചായ സമയത്ത് 502/7 എന്ന നിലയിലേക്ക് എത്തിച്ചു. ഡല്‍ഹിയ്ക്കായി തേജസ് ബരോക്ക മൂന്നും ശിവം ശര്‍മ്മ രണ്ടും വിക്കറ്റാണ് നേടിയത്.

Loading...