രഞ്ജി ട്രോഫിയിലെ കര്‍ണ്ണാടകയും ഉത്തര്‍ പ്രദേശും തമ്മിലുള്ള മൂന്നാം ക്വാര്‍ട്ടര്‍ ഫൈനൽ ആവേശകരമായി മുന്നേറുന്നു. ഒന്നാം ഇന്നിംഗ്സിൽ വെറും 253 റൺസിന് ഓള്‍ഔട്ട് ആയെങ്കിലും എതിരാളികളായ ഉത്തര്‍ പ്രദേശിനെ 155 റൺസിന് ഒതുക്കി 98 റൺസ് ഒന്നാം ഇന്നിംഗ്സ് ലീഡ് നേടി കര്‍ണ്ണാടക.
രോണിത് മോറെ മൂന്നും വിജയകുമാര്‍ വൈശാഖ്, വിദ്വദ് കാവേരപ്പ, കൃഷ്ണപ്പ ഗൗതം എന്നിവര്‍ 2 വീതം വിക്കറ്റ് നേടിയപ്പോള്‍ 39 റൺസ് നേടിയ പ്രിയം ഗാര്‍ഗ് ആണ് ഉത്തര്‍ പ്രദേശിന്റെ ടോപ് സ്കോറര്‍.
റിങ്കു സിംഗ് 33 റൺസും ശിവം മാവി 32 റൺസും നേടിയെങ്കിലും കര്‍ണ്ണാടകയുടെ സ്കോര്‍ മറികടക്കുവാന്‍ ടീമിനായില്ല.
