വരാനിരിക്കുന്ന ആഭ്യന്തര സീസണിന് മുന്നോടിയായി എല്ലാ ആഭ്യന്തര മത്സരങ്ങളുടെയും സമ്മാനത്തുകയിൽ വലിയ വർദ്ധനവ് പ്രഖ്യാപിച്ച് ബിസിസിഐ സെക്രട്ടറി ജയ് ഷാ. വരാനിരിക്കുന്ന സീസണിലെ രഞ്ജി ട്രോഫിയുടെ സമ്മാനത്തുക ഇരട്ടിയിലധികം ആണ് വർദ്ധിപ്പിച്ചത്. വിജയികൾക്ക് ഇനി രഞ്ജിയിൽ 5 കോടി രൂപ സമ്മാനമായി ലഭിക്കും, മുൻ സമ്മാനത്തുക 2 കോടി രൂപയായിരുന്നു.
സീനിയർ വനിതാ ഏകദിന ട്രോഫിയിലെ വിജയികൾക്കുള്ള സമ്മാനത്തുക 6 ലക്ഷത്തിൽ നിന്ന് 50 ലക്ഷം രൂപയായി പരിഷ്കരിച്ചു. സീനിയർ വനിതാ ടി20 ട്രോഫി വിജയികൾക്ക് 40 ലക്ഷം രൂപയു. ലഭിക്കും..
ഇറാനി കപ്പിന്റെ പ്രൈസ് മണി ഇരട്ടിയായി 50 ലക്ഷം രൂപയായി വർധിപ്പിച്ചു, ദുലീപ് ട്രോഫി ജേതാക്കൾക്ക് 1 കോടി ലഭിക്കും, മുൻ തുകയായ 40 ലക്ഷത്തിന്റെ ഇരട്ടിയിലധികമാണിത്‌.
