200 കടന്ന് ന്യൂസിലാണ്ട്, കളി മുടക്കി മഴ, റോസ് ടെയിലര്‍ ശതകത്തിനരികെ

അകില ധനന്‍ജയയുടെ അഞ്ച് വിക്കറ്റുകള്‍ക്കിടയിലും പതറാതെ പൊരുതി നിന്ന റോസ് ടെയിലര്‍ തന്റെ ശതകത്തിനായുള്ള കാത്തിരിപ്പ് തുടരം. 68 ഓവറുകള്‍ ന്യൂസിലാണ്ട് ഇന്നിംഗ്സില്‍ പൂര്‍ത്തിയായപ്പോള്‍ 5 വിക്കറ്റ് നഷ്ടത്തില്‍ 203 റണ്‍സാണ് ന്യൂസിലാണ്ട് നേടിയിരിക്കുന്നത്. ചായയ്ക്ക് ശേഷം വെളിച്ചക്കുറവ് മൂലം വൈകി പുനരാരംഭിച്ച മത്സരം അധികം വൈകാതെ മഴ മൂലം തടസ്സപ്പെടുകയായിരുന്നു.

131 പന്തുകള്‍ നേരിട്ട റോസ് ടെയിലര്‍ 86 റണ്‍സുമായി നില്‍ക്കുമ്പോള്‍ 8 റണ്‍സ് നേടിയ മിച്ചല്‍ സാന്റനര്‍ ആണ് താരത്തിന് കൂട്ടായി ക്രീസിലുള്ളത്.