ഇന്ത്യന്‍ കോച്ച് രാഹുല്‍ ദ്രാവിഡിന് കോച്ച്. ഏഷ്യ കപ്പിന് യാത്രയാകുന്നതിന് തൊട്ടുമുമ്പാണ് മുന്‍ ഇന്ത്യന്‍ താരത്തിന്റെ കോവിഡ് സ്ഥിരീകരിച്ചത്. താരം ഇന്ത്യന്‍ ടീമിനൊപ്പം യുഎഇയിലേക്ക് ഉടന്‍ യാത്രയാകില്ല. ഓഗസ്റ്റ് 27 മുതൽ സെപ്റ്റംബര്‍ 11 വരെയാണ് ഏഷ്യ കപ്പ് നടക്കുന്നത്.
ചെറിയ ലക്ഷണങ്ങള്‍ ഉള്ള ദ്രാവിഡ് ബിസിസിഐ മെഡിക്കൽ ടീമിന്റെ നിരീക്ഷണത്തിലാണെന്നും കോവിഡ് നെഗറ്റീവ് റിപ്പോര്‍ട്ട് ലഭിച്ച ശേഷം ദ്രാവിഡ് ടീമിനൊപ്പം ചേരുമെന്നും ബിസിസിഐ പത്രക്കുറിപ്പിൽ അറിയിച്ചു.
ദ്രാവിഡിന്റെ അഭാവത്തിൽ വിവിഎസ് ലക്ഷ്മൺ ആവും ഇന്ത്യയുടെ കോച്ചിംഗ് റോള്‍ ഏറ്റെടുക്കുക. വിവിഎസ് ലക്ഷ്മൺ ഇപ്പോള്‍ ഇന്ത്യന്‍ ടീമിനൊപ്പം സിംബാബ്‍വേയിലാണ്.
