കൗണ്ടിയിൽ മികച്ച ഫോമിൽ കളിച്ച ചേതേശ്വര്‍ പുജാരയുടെ ബാറ്റിംഗ് മികവ് മാത്രമല്ല സസ്സെക്സ് നായകനെന്ന നിലയിൽ ഇംഗ്ലണ്ടിലെ സാഹചര്യങ്ങളെക്കുറിച്ചുള്ള അറിവും ടീമിന് ഗുണം ചെയ്യുമെന്ന് പറഞ്ഞ് ഇന്ത്യന്‍ പരിശീലകന്‍ രാഹുല്‍ ദ്രാവിഡ്. ജൂൺ 7ന് ലണ്ടനിലെ ഓവലിലാണ് ഇന്ത്യയും ഓസ്ട്രേലിയയും തമ്മിലുള്ള ലോക ടെസ്റ്റ് ചാമ്പ്യന്‍ഷിപ്പ് ഫൈനൽ.
രണ്ട് വര്‍ഷത്തെ കഠിന പ്രയത്നം ആണ് ഇന്ത്യയെ ഇവിടെ വരെ എത്തിച്ചതെന്നും ലോകത്തിലെ മികച്ച ടീമാകുവാനുള്ള അവസരത്തിനായി ഇന്ത്യ കഠിനാദ്ധ്വാനം ഏറെ ചെയ്തിട്ടുണ്ടെന്നും രാഹുല്‍ ദ്രാവിഡ് വ്യക്തമാക്കി. ഈ ഫൈനൽ അവസരത്തിനായി ടീം ഏറെ കാത്തിരിക്കുകയാണെന്നും ലോകത്തിലെ ഏറ്റവും മികച്ച രണ്ട് ടീമിലൊന്നാകുവാന്‍ ഏവരും ഏറെ മോഹിക്കുന്ന കാര്യമാണെന്നും രാഹുല്‍ കൂട്ടിചേര്‍ത്തു.
