ഇഹ്സാനുള്ളയുടെ ബൗളിംഗും റോസോയുടെ ബാറ്റിംഗും, മുൾത്താൻ സുൽത്താൻസിന് മൂന്നാം വിജയം

പിഎസ്എൽ 2023ലെ അഞ്ചാം മത്സരത്തിൽ പെഷവാർ സാൽമിക്കെതിരെ മുൾത്താൻ സുൽത്താൻസിന് 56 റൺസിന്റെ വിജയം. മുൾത്താൻ സുൽത്താൻസിന്റെ ഈ സീസണിലെ മൂന്നാം വിജയം ആണിത്. മുൾത്താനിൽ നടന്ന മത്സരത്തിൽ ആദ്യം ബാറ്റ് ചെയ്യാൻ തീരുമാനിച്ച മുൾത്താൻ സുൽത്താൻസ് നിശ്ചിത 20 ഓവറിൽ 210-3 എന്ന മികച്ച സ്‌കോറാണ് നേടിയത്. 42 പന്തിൽ റൺസ് 57 റൺസ് എടുത്ത റിസുവാനും 36 പന്തിൽ 75 റൺസ് എടുത്ത റോസോയും മുൾത്താൻസിനായി ഗംഭീര പ്രകടനം നടത്തി.

മറുപടിയായി, പെഷവാർ സാൽമിക്ക് നിശ്ചിത ഇടവേളകളിൽ വിക്കറ്റുകൾ നഷ്ടപ്പെട്ടു. തുടക്കം മുതൽ ആവശ്യമായ റൺറേറ്റ് നിലനിർത്താൻ അവർ പാടുപെട്ടു. 37 പന്തിൽ 53 റൺസ് നേടിയ സയിം അയൂബ് ഒറ്റയാൾ പോരാട്ടം നടത്തിയെങ്കിലും 18.5 ഓവറിൽ ടീം 154ന് ഓൾഔട്ടായി.

മുൾത്താൻ സുൽത്താൻ ബൗളർമാർ പ്രശംസനീയമായ പ്രകടനമാണ് പുറത്തെടുത്തത്, ഉസാമ മിറും ഇഹ്‌സാനുള്ളയും മൂന്ന് വിക്കറ്റ് വീതം വീഴ്ത്തി ടീമിനെ അനായാസ ജയം ഉറപ്പിച്ചു. ഇഹ്സാനുള്ളയാണ് ഇപ്പോൾ ലീഗിൽ ഏറ്റവും കൂടുതൽ വിക്കറ്റ് എടുത്ത താരം.