അഡിലെയ്ഡില്‍ പൃഥ്വി ഷാ കളിയ്ക്കില്ല

- Advertisement -

ഓസ്ട്രേലിയയ്ക്കെിതിരെ ഇന്ത്യയുടെ ഓപ്പണിംഗ് ടെസ്റ്റില്‍ പൃഥ്വി ഷാ കളിയ്ക്കില്ല. സന്നാഹ മത്സരത്തിനിടെ ഇന്ത്യന്‍ താരത്തിനു പരിക്കേറ്റതോടെയാണ് ഇന്ത്യയ്ക്ക് ഏറെ തിരിച്ചടി നല്‍കുന്ന വാര്‍ത്ത പുറത്ത് വന്നത്. നേരത്തെ പരിക്കേറ്റ പൃഥ്വിയെ സ്കാനിംഗിനു കൊണ്ടു പോകുന്നുവെന്ന് ബിസിസിഐ അറിയിച്ചുവെങ്കിലും താരം ആദ്യ ടെസ്റ്റിനു ലഭ്യമാകുമോ എന്നത് സംബന്ധിച്ച് ഒരു അറിയിപ്പ് ലഭിച്ചിരുന്നില്ല.

ലിഗമെന്റ് പരിക്കാണ് പൃഥ്വിയുടെ അവസരം ഇല്ലാതാക്കിയത്. ഫീല്‍ഡിംഗിനിടെയാണ് താരത്തിനു പരിക്കേറ്റത്. രണ്ടാം ടെസ്റ്റിനു താരം മത്സരയോഗ്യനാകുമോ എന്നതിലും വ്യക്തതയില്ല. താരത്തെ അതിതീവ്ര റീഹാബിലിറ്റേഷന്‍ പ്രോഗ്രാമിനു വിധേയനാക്കുമെന്നാണ് ഇപ്പോള്‍ അറിയുന്നത്.

Advertisement