അരങ്ങേറ്റത്തില്‍ തിളങ്ങി ഷദ്മാന്‍ ഇസ്ലാം, രണ്ടാം ടെസ്റ്റില്‍ രണ്ട് വിക്കറ്റ് നഷ്ടമായി ആതിഥേയര്‍

- Advertisement -

ധാക്കയിലെ രണ്ടാം ടെസ്റ്റില്‍ തിളങ്ങി അരങ്ങേറ്റക്കാരന്‍ ഷദ്മാന്‍ ഇസ്ലാം. ഇന്ന് ആരംഭിച്ച ടെസ്റ്റിന്റെ ആദ്യ ദിവസം ഉച്ച ഭക്ഷണത്തിനായി ടീമുകള്‍ പിരിയുമ്പോള്‍ ആദ്യം ബാറ്റ് ചെയ്ത ബംഗ്ലാദേശ് 87/2 എന്ന നിലയിലാണ്. മോമിനുള്‍ ഹക്കും ഷദ്മാന്‍ ഇസ്ലാമും ചേര്‍ന്ന് ടീമിനെ മികച്ച നിലയിലേക്ക് നയിക്കുമെന്ന് തോന്നിപ്പിച്ച നിമിഷത്തിലാണ് ഹക്കിനെ കെമര്‍ റോച്ച് പുറത്താക്കിയത്. അതോടെ ആദ്യ ദിവസത്തെ ലഞ്ചിനായി ടീമുകള്‍ പിരിഞ്ഞു.

29 റണ്‍സാണ് മോമിനുള്‍ ഹക്ക് നേടിയത്. രണ്ടാം വിക്കറ്റില്‍ 45 റണ്‍സ് നേടി ബംഗ്ലാദേശ് മുന്നോട്ട് നീങ്ങുമ്പോളാണ് ടീമിനു ഈ പ്രഹരം. നേരത്തെ ഒന്നാം വിക്കറ്റില്‍ ഷദ്മാന്‍ ഇസ്ലാമും സൗമ്യ സര്‍ക്കാരും ചേര്‍ന്ന് 42 റണ്‍സാണ് നേടിയത്. 19 റണ്‍സ് നേടിയ സൗമ്യ സര്‍ക്കാരിനെ റോഷ്ടണ്‍ ചേസ് പുറത്താക്കി. ഷദ്മാന്‍ ഇസ്ലാം 36 റണ്‍സുമായി ക്രീസില്‍ നില്‍ക്കുന്നു.

Advertisement