ബംഗ്ലാദേശിന്റെ രണ്ടാം ഇന്നിംഗ്സ് 227 റണ്‍സിന് അവസാനിപ്പിച്ച് 209 റണ്‍സിന്റെ പടുകൂറ്റന്‍ വിജയവുമായി ശ്രീലങ്ക. ജയത്തോടെ പരമ്പര 1-0ന് ലങ്ക സ്വന്തമാക്കി. ഇന്നിംഗ്സില്‍ 5 വിക്കറ്റ് നേടിയ പ്രവീണ്‍ ജയവിക്രമയും 4 വിക്കറ്റുമായി രമേശ് മെന്‍ഡിസുമാണ് ലങ്കയുടെ വിജയമൊരുക്കിയത്.
പ്രവീണ്‍ രണ്ടിന്നിംഗ്സിലുമായി 11 വിക്കറ്റാണ് നേടിയത്. അഞ്ചാം ദിവസം ആദ്യ സെഷനില്‍ തന്നെ ശ്രീലങ്ക വിജയം ഉറപ്പിക്കുകയായിരുന്നു. 40 റണ്‍സ് നേടിയ മുഷ്ഫിക്കുര്‍ റഹിം ആണ് രണ്ടാം ഇന്നിംഗ്സില്‍ ബംഗ്ലാദേശിന്റെ ടോപ് സ്കോറര്‍.
