രണ്ടാം സന്നാഹ മത്സരവും സമനിലയിലേക്ക്, ഡിന്നര്‍ ബ്രേക്കിന് പിരിയുമ്പോള്‍ ഓസ്ട്രേലിയ എ 200/4 എന്ന നിലയില്‍

473 റണ്‍സ് വിജയ ലക്ഷ്യം തേടിയിറങ്ങിയ ഓസ്ട്രേലിയ എയ്ക്ക് മികച്ച ബാറ്റിംഗ് പ്രകടനം. തുടക്കം പാളിയെങ്കിലും പിന്നീട് അലെക്സ് കാറെ – ബെന്‍ മക്ഡര്‍മട്ട് എന്നിവരുടെ കൂട്ടുകെട്ടാണ് ഓസ്ട്രേലിയയെ മുന്നോട്ട് നയിച്ചത്. ഒരു ഘട്ടത്തില്‍ 25/3 എന്ന നിലയിലായിരുന്ന ടീം പിന്നീട് നാലാം വിക്കറ്റില്‍ 117 റണ്‍സ് കൂടി നേടുകയായിരുന്നു.

Australia

മൂന്നാം ദിവസം ഡിന്നറിനായി ടീമുകള്‍ പിരിയുമ്പോള്‍ ഓസ്ട്രേലിയ എ 200/4 എന്ന നിലയിലാണ്. ഒരു സെഷന്‍ അവശേഷിക്കെ 273 റണ്‍സാണ് ടീം ഇനി നേടേണ്ടത്. അലെക്സ് കാറെ 58 റണ്‍സ് നേടി പുറത്തായപ്പോള്‍ 82 റണ്‍സുമായി ബെന്‍ മക്ഡര്‍മട്ടും 36 റണ്‍സ് നേടി ജാക്ക് വെല്‍ഡര്‍മത്തും ക്രീസില്‍ നില്‍ക്കുകയാണ്.

ഇന്ത്യയ്ക്ക് വേണ്ടി മുഹമ്മദ് ഷമി രണ്ട് വിക്കറ്റ് നേടി.